Psa 137 | MMX | STEP | Nema magat kis saparap levendan sen to Babilon; la magak saxaanu go at loxonaleng magam doma lemenemen Saion.

Psalms 137

Lanteng At Leme Israel Keneng At Loxokoxo

1 Nema magat kis saparap levendan sen to Babilon; la magak saxaanu go at loxonaleng magam doma lemenemen Saion. 2 La magak paxa suke leven gita atnema ro at levenuna vilou mo ga tu auret laradan sen. 3 Nedi mo diga vaxat kaka nema, diga tong i rinema do manak pixan; diga tong rinema do manak pixan kusu rik lox amomo nedi; digak lok keretna, “Minak pixan tinema mi tengkom pixan mumu lemenemen Saion.”

4 I lolos aleng tinama xusu mana vixan toxompixan ti Leeme Silok nade at na lenep at limixin petpes. 5 Do ana domampe lemenemen aulis tarak Jerusalem, ba lox avukat a noxo epovo xusu ana sak bok ba ligita rak mo! 6 Do ana domampe Jerusalem la a noxo doma bok ba u ngan nenu lavanga loklox amomo rinotno rak, ba lox avukat do a noxo epovo xusu ana vixan bok ba.

7 Leeme Silok, una vorang mo levelinga xapmek leme Edom diga lox i gano. At mo laaleng leme Babilon diga sele utut lemenemen Jerusalem la digara vaxat kaka nema. Una vorang mo levelinga atnedi leme Edom diga tong amisik i do, “Mina sele utut asi Jerusalem ukopok at laxangka!”

8 Melemu limixin esep dinaba sele utut lemenemen silok Babilon mumu mo loklok diga lox i rinema. La mo limixin ua dinaba vorang mo loklok ti leme Babilon, luvukat tidi; 9 la dinaba lok kaka levenkadede atnemi leme Babilon la na saava amdamda di ro at lavaruat.